Það gerist ýmislegt utan vallar

VÍB sýnir fjármálahlið knattspyrnunnar mikinn áhuga.

Að neðan má sjá upplýsingamyndir sem unnar hafa verið vegna funda um Fjármál í fótbolta, heimsmeistaramótið í Brasilíu, Evrópumótið í Frakklandi og hin ýmsu málefni er vakið hafa áhuga okkar.

Starfsmenn VÍB svara spurningum almennings um fjármál í fótbolta í sérfræðingahorninu á fótbolta.net en einnig er tekið við fyrirspurnum með tölvupósti á vib@vib.is.

Góða skemmtun og áfram ábyrg fjármálastjórn í fótbolta!

 

Upptaka: Fjármál í fótbolta 2014

Stefán Pálsson, sagnfræðingur, ræddi um spillingu og veðmál í fótbolta.

Björn Berg Gunnarsson, fræðslustjóri VÍB, ræddi um fjármál knattspyrnuliða og deilda.

Upptaka: Fjármál í fótbolta - EM 2016

Björn Berg Gunnarsson, fræðslustjóri VÍB, veltir upp þeirri spurningu hvort það borgi sig fyrir Frakka að halda Evrópumótið.

Fjármálin á Englandi og í Skotlandi

Fjármálastjórar félaganna í efstu fjórum deildum Englands og skosku úrvalsdeildinni hafa ólíkar skoðanir á stöðu og framtíðina.

Enska úrvalsdeildin sker sig úr, enda tekjurnar bæði langmestar þar og tekjuaukninginn mest undanfarin ár. Þrátt fyrir jöfnunargreiðslur til félaganna í Championship deildinni telur einungis fjórðungur fjármálastjóra þar að fjárhagsstaðan sé mjög sterk.

Skoska úrvalsdeildin hefur gengið í gegnum miklar hremmingar frá stofnun deildarinnar árið 1998, svo sem varðandi sjónvarpssamninga og fjárhagserfiðleika fjölmargra félaga. Því þarf ekki að koma á óvart að fjármálastjórar þar í deild séu varir um sig.

Upplýsingarnar eru fengnar úr rannsókn BDO sem framkvæmd var í júní og júlí 2016.

Fleiri mola um fjármál í fótbolta má sjá fyrir neðan, við vonum að þið skemmtið ykkur við lesturinn!

 
 
 

Sjónvarpið skiptir öllu máli

Nýr sjónvarpssamningur ensku úrvalsdeildarinnar skilar liðunum um 70% hærri tekjum frá þarlendum áhorfendum árin 2016-2019 en síðasti þriggja ára samningur, sem var einnig um 70% hærri en fyrri samningur.

Deildin ber höfuð og herðar yfir aðrar knattspyrnudeildir og gefur enskum liðum umtalsvert fjárhagslegt forskot í alþjóðlegri samkeppni, þó deila megi um hvort frammistaðan á vellinum endurspegli þá staðreynd.

 
 

Eldri upplýsingamyndir VÍB um fjármál í fótbolta

Unnið af starfsfólki VÍB.
Heimildir: BBC, Statista, Deloitte, Enska úrvalsdeildin
Fyrirvari vegna fræðsluefnis

Tekið skal fram að umfjöllun þessi er aðeins birt í upplýsingaskyni og skal því ekki litið á hana sem ráðleggingu/ráðgjöf um að ráðast eða ráðast ekki í tiltekna fjárfestingu eða tilboð um að kaupa, selja eða skrá sig fyrir tilteknum fjármálagerningum eða þjónustu. Íslandsbanki ber enga ábyrgð á viðskiptum sem kunna að vera gerð á grundvelli þeirra upplýsinga sem fram koma á vefsíðu þessari.

Íslandsbanki ábyrgist ekki nákvæmni, áreiðanleika né réttmæti upplýsinga sem upprunnar eru frá þriðja aðila.